EKF :: Puke No'eau

Keoki Stender
Water Barge, Midway
http://www.coralreefnetwork.com/stender/fishes/chubs/chubs.htm

Wā ‘Elua

Nenue
Ma Kai

‘O kāne iā Wai‘ololī, ‘o ka wahine iā Wai‘ololā
Hānau ka Nenue, noho i kai
Kia‘i ‘ia e ka Lauhue noho i uka
He pō uhe‘e i ka wawā
He nuku, he kai ka ‘ai a ka i‘a
‘O ke Akua ke komo, ‘a‘oe komo kanaka

Second Epic

Nenue
Seaside

Wai‘ololī the product of males, Wai‘ololā of females
The Nenue gives birth, it is found in the sea
Guarded by the Lauhue in the uplands
The night becomes tumultuous
Ranting, fish are sustained by saltwater
The Gods enter, man does not have access

No ka po‘e Lawai‘a

Mai loko mai ‘o Ka Nūpepa Kū‘oko‘a, vol.1, no. 1, ‘Okakopa 1861

Mai ka wā kahiko mai, a hiki mai i kēia manawa, ‘a‘ole paha i ‘ike ‘ia ka mea i like pū me kēia.

Ma muli o ka no‘ono‘o maika‘i ‘ana o ka Mea Ki‘eki‘e L. Kamehameha, me kona mana‘o ‘olu‘olu nō e ho‘opōmaika‘i i kona lāhui kanaka. Ua ho‘onoho aku ‘o ia i po‘e lawai‘a ma Kaluako‘i. Ua piha mau nā wa‘apā i ka i‘a, kō‘ele a‘e i Ulakoheo, ‘a‘ole pōkeokeo a koe aku. Ma mua o Kaihuopala‘ai ka mea nāna e ho‘opiha pono i nā lumi o Ulakoheo, akā, i kēia manawa, ‘o Kaluako‘i ka mea nāna e lawe mai nei i ka Uhu, i ka Nenue.

Ua lawa ka hapa nui o nā kuewa o ke Kaona, ma muli o kēia no‘ono‘o maika‘i o ka Mea Ki‘eki‘e. E mahalo ‘ia ka Mea Ki‘eki‘e L. Kamehameha, no kona no‘ono‘o maika‘i ‘ana pēlā.

W.N. Pualewa
Kali‘u, Honolulu

For Fishermen

From Ka Nūpepa Kū‘oko‘a, vol.1, no. 1, October 1861

From olden days, until these days, there has never before been seen a thing like this.

Because of the smart thinking of the Great L. Kamehameha, with his pleasant ideas to bless his fellow people. He set up fishermen in Kaluako‘i; the canoe fleets were always filled with fish, paddling to Ulakoheo, there is more prosperity there. Before Kaihuopala‘ai was the one who properly filled the rooms of Ulakoheo, but, now days, Kaluako‘i is the one who brings the Uhu and the Nenue.

There are enough vagabonds in the town, because of this good deed of the Great One. The Great One L. Kamehameha, will be thanked for his wonderful thinking for that.

W.N. Pualewa
Kali‘u, Honolulu

Aloha Ka Manini

Mai loko mai ‘o E Oli Ana Kākou

Aloha ka manini me ka popolo,
He i‘a noho ia i Kalaupapa
Kala, ka nenue, ‘o ka nahawele’
Moani ke ‘ala, ke honi aku
Āhole i‘a, piko lihaliha,
Poi, ‘Uala, ka ‘ohi pu‘u
Hā‘ina ‘ia mai ‘ana ka puana,
Aloha ka manini me ka popolo.

Aloha Ka Manini

From E Oli Ana Kākou

Loved is the manini and the popolo,
Food that can be found in Kalaupapa.
The Kala, the Nenue and the Nahawele,
The fragrance wafts when its smelled.
The Āhole with its fat and juiciness
Poi, ‘Uala, gathered for the throat.
The story has been told
Loved is the manini and the popolo.