 |
|
|
|
|
| |||||||
 |
|
 |
 |
| ||||||||
 |
| |||||||||||
 |
|
|
|
| ||||||||
Projects >> Kū‘ula Homepage >> Kumulipo Introduction >> Pule Ho‘ola‘a Ali‘i: Wā ‘Akahi (First Age) | Wā ‘Elua (Second Age)
|
Wā ‘Elua Ulua Hānau ka Ulua, hānau ka Hāhālua i ke kai lā holo |
Second Epic Ulua The Ulua gives birth, the Hāhālua gives birth in the sea swimming |
Ka makana mai nā Ulua mai Ha‘i hou ‘ia e Keonaona Kapuni-Reynolds ‘O ka lae i nā pali hula‘ana ka ‘āina ma Kohala, Hawai‘i kahi i noho ai ‘o Pupuhuluena. I kona hiki mua ‘ana i laila ua lawe ‘ia ka mea‘ai a pau loa e nā akua i Kalae, Ka‘ū. No laila ho‘oholo ‘o ia e lawai‘a. Iā ia e lawai‘a ana, pīkoikoi maila nā i‘a a pau ma lalo o ka wa‘a, ‘o ka Manini ‘oe, ‘o ka Aku ‘oe, ‘o ka ‘Ōpakapaka ‘oe, a me ka Ulua. Ua hahai ‘o ia i nā i‘a a kā‘alo ‘ia nā pali, ‘a‘ole no laila ka i‘a. Ho‘omau ‘ia a puni ka mokupuni ‘o Hawai‘i. Holo hou i Kohala waho, ‘a‘ole no laila ka i‘a. A hiki aku ‘o ia i Kawaihae, ‘a‘ole no laila ka i‘a, mana‘o ‘o Pupuhuluena e lawe ‘ia nei nā i‘a e nā akua o Ka‘ū, ho‘omau ‘o ia i ka hahai ‘ana i ka i‘a. ‘O Puakō kēia hiki ‘ana i Manini‘ōwali, a laila noho ka Manini. Ho‘omau ‘o Pupuhuluena i kona huaka‘i a hahai i ke koena o ka i‘a i Ka‘elehuluhulu kahi a ke Aku a me ke ‘Ōpakapaka. ‘O ka Ulua ka i‘a hope loa a Pupuhuluena e hahai ana. Ho‘omau aku i Kalae kahi e noho ai ka Ulua. ‘O kēia Ulua, ua hana lākou i ‘elua mea, ‘o ka mua, ua lawe aku lākou iā Pupuhuluena i Ka‘ū kahi o nā akua ‘aihue ‘ai. ‘O ka lua, ua makemake lākou e makana aku i nā kānaka o Ka‘ū, i mahalo iā lākou no Kalae, kahi a nā Ulua e noho ana. ‘O ka makana ke Kukui. Iā Pupuhuluena i hiki aku i Kalae ua ‘ike ‘o ia i ‘elua kanaka lawai‘a, mama a‘e ‘o ia i ke Kukui a pupuhi i ke kai, a mālinolino i hiki ai iā ia ke ‘ike i nā i‘a. ‘O nā kānaka lawai‘a ho‘i, ua mama a pupuhi aku nei lākou i ka mōhihi i loko o ke kai, a ‘a‘ole i hiki ke ‘ike ‘ia kekahi mea. Hō‘ike aku ‘o Pupuhuluena i nā hana a ke kukui. E like ho‘i me ka makemake o ka Ulua, ua makana aku ‘o Pupuhuluena i nā hua kukui, a penei i ulu mua ai nā kumu Kukui ma Kona a me Ka‘ū. |
The Gift From The Ulua Retold by Keonaona Kapuni-Reynolds It was amongst the steep cliffs to the east of Kohala, Hawai’i that Pupuhuluena once lived. When he first came to the area there was no food growing. All the food had been taken and hidden by the gods of Ka‘ū. So he decided to go fishing. While he was fishing, the fish then gathered under the canoe, there were Manini, Aku, ‘Ōpakapaka and Ulua. He followed the fish until he passed the cliffs, but the fish didn’t stop there. They continued around Hawai‘i. Until he arrived off Kohala, the fish didn’t stop there either. When he reached Kawaihae, no fish stayed there, Pupuhuluena thought the fish are probably being summoned to Ka‘ū by the gods, and he continued to follow the fish. He reaches Puako in Maniniowali that is where the Manini stayed. Pupuhuluena continued on his journey and followed the rest of the fish to Kaelehuluhulu where the Aku and ‘Ōpakapaka stayed. The Ulua was the only fish that Pupuhuluena was following. They continued on to Kalae, where the Ulua stayed. This Ulua, they did two things, the first, they took Pupuhuluena to Ka‘ū where the food-stealing gods were. The second, they wanted to thank the people of Ka‘ū, to thank them for Kalae, where the Ulua was staying. The present was Kukui. Once Pupuhuluena reached Kalae he saw two fishermen, he chewed and spit out the Kukui he had, until the sea was clear and he could see the fish. The Fishermen however, were chewing and spitting the mōhihi into the sea, and they couldn’t see a think. Pupuhuluena showed them the qualities of the Kukui. And just as the Ulua wanted, Pupuhuluena gave the fishermen the Kukui seeds, and this is how the first Kukui trees were brought to Kona and Ka‘ū. |
Aloha Mai Au I Ku‘u ‘Āina Mai loko mai ‘o Nā Mele Welo Aloha mai au i ku‘u ‘āina, |
Aloha Mai Au I Ku‘u ‘Āina From Nā Mele Welo I love my homeland, |
Projects >> Ku'ula Homepage >> Kumulipo Introduction >> Pule Ho‘ola‘a Ali‘i: Wā ‘Akahi (First Age) | Wā ‘Elua (Second Age)
| Edith Kanaka‘ole Foundation ©2002-2003. |