 |
|
|
|
|
| |||||||
 |
|
 |
 |
| ||||||||
 |
| |||||||||||
 |
|
|
|
| ||||||||
Projects >> Kū‘ula Homepage >> Kumulipo Introduction >> Pule Ho‘ola‘a Ali‘i: Wā ‘Akahi (First Age) | Wā ‘Elua (Second Age)
Wā ‘Elua Hāhālua Hānau ka Ulua, hānau ka Hāhālua i ke kai lā holo |
Second Epic Hāhālua The Ulua gives birth, the Hāhālua gives birth in the sea swimming |
No ka Hāhālua o Kona Na Keonaona Kapuni-Reynolds Inā ‘a‘ole ‘oukou kama‘āina me ka Hāhālua, he i‘a nui loa ia. Holo ‘o ia i loko o ke kai e like ho‘i me ka manu. Ma muli o kona nui i pilikia loa ai ke kai ma kekahi kai i ka wā kahiko. Ma hope o kekahi kau momona loa, ua nui ‘ino ka hāhālua e lele ana i ‘ō a i ane‘i. Holo aku nā pēpē hāhālua ma nā wahi a pau a nānā wale kekahi i‘a ‘elemākule loa i nā i‘a. “He pilikia kēia,” wahi a ka ‘elemākule. I kekahi lā, e pau ana ka mā‘ama‘ama o ka lā ma kēia kai. Ke pā ‘ole mai ka lā, e make ana nā mea a pau a e hu‘ihu‘i loa ana ke kai. ‘Aka‘aka wale kekahi mau i‘a i ho‘olohe aku iā ia, “‘A‘ohe ‘o ia ‘i‘o o kou ‘ōlelo!, he ‘elemākule ‘oe, ‘a‘ohe ou ‘ike.” Eia na‘e ‘a‘ole ka ‘elemakule i ho‘opau i kona ‘ōlelo ‘ana, no nā makahiki i hiki mai ‘o ia nō kāna mea i ‘ōlelo aku ai i ka po‘e a ma hope o kekahi manawa, ua ‘emi mai ka nui o ka lā i pā mai ma ke kai, ua ‘oi aku ka nō ka ‘ele‘ele o ke kai, a ma ke ‘aumoe ua ‘oi aku ka hu‘ihu‘i o ke kai. Ho‘omaka ka po‘e i‘a e hopohopo. ‘Ākoakoa lākou a pau ma kahi pae o nā kukuna o ka lā ma muli o ka hu‘ihu‘i a ‘ike pū ‘ia ke kaka‘ikahi o ka limu e ulu ana ma ia wahi. ‘A‘ole ka i‘a i ‘ike no ka nui o nā hāhālua o ia kai. Ma muli o ko lākou nui a ākea, holo lākou i luna o ka papa ko‘a a ho‘omalu i ia wahi holo‘ōko‘a. Ke ‘oi aku ka nui o kēia mau hāhālua, ‘emi mai ka nui o ka lā a me ka mehana o ia lā. Ua pilikia nō ka papa ko‘a. A hiki mai ka wā i pā mai ho‘okahi wale nō kukuna ma luna o ka papa ko‘a, nui ka i‘a i ‘ākoakoa ma ia wahi ho‘okahi. Ua ho‘ā‘o nei lākou a pau e hiki aku i kahi mehana, a ho‘omaka lākou a pau e hakakā. Noho wale ka ‘elemakule i hope a nānā aku i ka po‘e a ‘ōlelo aku ‘o ia, “‘A‘ohe kumu o ko ‘oukou hakakā ‘ana e pau ana ke kukuna o ka lā.” Ho‘omaka ka po‘e e ho‘olohe aku i ka ‘elemakule a laila ho‘omau ‘o ia, “Inā makemake ‘oukou e ‘ike hou i ka lā pono ke kumu i‘a holo‘ōko‘a e kōkua i kekahi i kekahi. ‘Oiai ke ‘ākoakoa nei ka nui o ‘oukou ma‘ane‘i e ho‘olohe mai a penei ‘oukou e ‘ike hou i ka lā.” Ma hope o nā ‘ōkuhi o ka ‘elemakule, ua ho‘omaka ka nui o ke kumu i‘a e holo i luna. Ho‘oikaika aku lākou i ka ikaika o ka holo ‘ana a au i ka lihi o ke kai a hiki aku lākou i ka palena Hāhālua, ku‘i ‘ia ka nui o nā Hāhālua a lele aku lākou i kahi ‘ē. Ua holo aku ka nui o ka hāhālua a puni o ke kai a i ka iho hou ‘ana o ke kumu i‘a i lalo, ua ‘ike ‘ia ka lā ma nā wahi a pau. Ma muli o ka hana nui o kēia mau i‘a. |
For The Hāhālua of the Sea By Keonaona Kapuni-Reynolds If you guys aren’t familiar with the Hāhālua, it is a big fish. He runs in the sea like a bird. In olden times a particular area of sea was troubled by its size. After a very plentiful season, there were a lot of Hāhālua running around the sea. The baby Hāhālua were swimming all over the place and an elder was just sitting and watching them. “This is going to be a problem,” said the old man, “One day, the sun will no longer shine in this area, when the sun doesn’t shine, the sea will be very cold and everything here will die. Some fish that heard him talking said, “There is no truth in what you say old man, you don’t know.” However the old man didn’t’ finish his sentence. For years to come he constantly told the fish what was going to happen, and after awhile, the sunlight didn’t shine as much in the sea, it was indeed darker then it has been, and in the early mornings the sea was bitterly cold. The many fish started to worry. They all gathered where the rays of the sun shined true and also because of the cold the limu grew sparsely in this area. The fish weren’t aware that there was so many Hāhālua in the sea. Because they were so big and wide, they would swim over the coral reef and completely cover the whole area. When these Hāhālua get bigger, there was less sunlight and less warmth from the sun. The coral reef was indeed in danger. The day came when only one ray of light fell on the coral reef, there were a lot of fish swimming and trying to feel its warmth. They were all trying to reach the warmth and they started to fight. The old fish just sat back and watched all the fish and said, “There is no reason that you should all be fighting, and the ray will soon disappear.” Then the fish started to listen to the old fish and he continued, “If you would all like to see the sun again, the whole school of fish must help each other. Since most of you are gathered here, listen closely and I will tell you how you will see the sun again.” After the old fish gave his instructions, the whole school of fish started swimming to the surface. They all strengthened their swimming and swam to the surface until they reached the Hāhālua barrier, most of the Hāhālua were hit and they moved somewhere else. Most of the other Hāhālua swam father off in different areas of the sea and the school of fish swam back to the bottom. The sun shined again in this area because of the school of fish. |
Kekahi ‘ike hou a‘e Inoa Hawai‘i: Hāhālua Inoa Pelekānia: Manta Devilfish, Manta Ray, Sea Devil Inoa ‘Epekema: Manta birostris Kona ‘ano: Ua hiki i ka hāhālua ke ulu a‘e a i 23 kapua‘i. ‘Oi aku ke ākea o ka hāhālua ma mua o kona lō‘ihi. Ke‘oke‘o o lalo a ‘ele‘ele o luna. I kekahi manawa ‘ele‘ele nā mahamaha kekahi. He huelo kona a ho‘ohana ‘o ia i ka ‘ili i mua o kona waha e hopu i ka mea‘ai. ‘Ikepili Hoihoi: ‘O kēia kekahi o nā i‘a nui i ‘ike ‘ia me ka Omo, Remora albescens. |
More Information Hawaiian Name: Hāhālua English Name: Manta Devilfish, Manta Ray, Sea Devil Scientific Name: Manta birostris Description: The Hāhālua can grow up to 23 feet. The width of the hāhālua is bigger than its length. The top is black and the bottom is white. The ventral stations of the hāhālua are also black. It uses the flaps infront of its mouth to collect food. Interesting Fact: This is one of the big fish seen with the Omo, Remora albescens. |
Projects >> Ku'ula Homepage >> Kumulipo Introduction >> Pule Ho‘ola‘a Ali‘i: Wā ‘Akahi (First Age) | Wā ‘Elua (Second Age)
| Edith Kanaka‘ole Foundation ©2002-2003. |