 |
|
|
|
|
| |||||||
 |
|
 |
 |
| ||||||||
 |
| |||||||||||
 |
|
|
|
| ||||||||
Projects >> Kū‘ula Homepage >> Kumulipo Introduction >> Pule Ho‘ola‘a Ali‘i: Wā ‘Akahi (First Age) | Wā ‘Elua (Second Age)
|
Wā ‘Elua Moi Hānau ka Moi, hānau ka Lo‘ilo‘i i ke kai lā holo |
Second Epic Moi The Moi gives birth, The Lo‘ilo‘i gives birth in the sea swimming |
No ka ‘Elele Miki‘ala Na Keonaona Kapuni-Reynolds ‘O ka Moi kekahi o nā i‘a i ‘ono nui ‘ia e nā ali‘i. I kekahi mau wahi makemake ‘ia ka Moi i hānai ‘ia ma kekahi loko i‘a mamao loa. Ma Hilo nei, e noho ana kekahi ali‘i i makemake i ka Moi no Kona mai. I kēlā me kēia lā ho‘ouna aku ‘o ia i kekahi ‘elele miki‘ala i kekahi ‘ao‘ao o ka mokupuni e ki‘i aku i kekahi i‘a Moi nāna. Pono kēia ‘elele e holo aku i ka loko i‘a ma Kona, lawai‘a aku i ka i‘a, ho‘okomo i loko o kekahi ‘ūmeke me ke kai, a laila holo hou i Hilo ma mua o ka nāpo‘o ‘ana o ka lā. Ke hiki aku ka ‘elele i mua o ke ali‘i, wehe ‘ia ka ‘ūmeke a ‘ike ‘ia ka i‘a Moi e ‘ūpa‘i ana i ‘ō a i ‘ane‘i ma loko o ka ‘ūmeke. Inā e ola ana ka i‘a e ola nō ka ‘elele miki‘ala. Ma hope o kekahi manawa i lohe ai ka po‘e no kekahi ‘uhane e ho‘omake ana i nā kānaka ma ia alanui like o ka ‘elele miki‘ala. I ke kakahiaka nui holo hou ka ‘elele i Kona a ki‘i i ka i‘a, a iā ia e ho‘i hou ana i Hilo, ‘ike akula ‘o ia i ka ‘uhane e hahai aku ana iā ia. Holo wikiwiki ‘o ia a pi‘i i ka pu‘u hope loa e mālama ana i ka i‘a Moi o ka ‘ūmeke. Inā ‘a‘ole ‘o ia mālama i ka i‘a e make ana ‘o ia i ke ali‘i, a inā ‘a‘ole ‘o ia holo wikiwiki e ho‘omake ‘ia ana ‘o ia e ka ‘uhane! Pauaho mai ‘o ia i kēia holo ‘ana a kokoke loa i kahi o kona kaikuahine. ‘Ike ke kaikuahine no ka pilikia o kona kaikunāne a hāpai a‘ela ‘o ia i kona pā‘ū e ho‘omaka‘u aku i ka ‘uhane. Eia kā! Maka‘u ka ‘uhane a ho‘omau ka ‘elele miki‘ala i kahi o ke ali‘i e hā‘awi aku i ka i‘a Moi. I kekahi lā a‘e ho‘omākaukau hou ka ‘elele e ho‘i i Kona a ki‘i i ka Moi no ke ali‘i. Inā ho‘i hou mai ka ‘uhane e mākaukau ana ka ‘elele. A ho‘i mai ka ‘elele, ‘ike hou ‘ia ka ‘uhane. Holo aku ka ‘elele i nā pali a ‘ike ‘ia ka pilikia o ka ‘uhane ma ka hahai ‘ana iā ia. Ho‘owiki ‘o ia i ka holo ‘ana a huli koke ma kekahi ‘ao‘ao o ka pōhaku. I ka ‘uhane nō a holo a puni ka pōhaku, pū‘iwa loa ‘o ia i ka ‘ike i ke kaikuahine e hāpai ana i kona pā‘ū a lele ‘o ia i hope, a pa‘a ‘ole ka wāwae ma ka pōhaku, a hā‘ule ka ‘uhane i Milu kahi o nā ‘uhane. |
The Fast-Running Messenger By Keonaona Kapuni-Reynolds The Moi is one of the fish most loved by the chiefs. In most cases the Moi that are raised in far fishponds are the most desirable. In Hilo, there was a chief who desired the Moi from Kona, and everyday he would send his fast-running messenger to that side of the island to get the Moi fish for him. This runner would have to run to the fishpond in Kona, get the fish, place it in a container with water, and run back to Hilo before the setting of the sun. When the messenger reached the chief, the container was opened, and the Moi fish was seen flapping about in the container. If the fish were alive then the fast running messenger would live. After a while the people heard of a ghost that was killing men on the same road as the messenger. In the early morning the messenger started his run to Kona to get the fish, and on his way back to Hilo, he saw the ghost chasing him. He ran quickly and climbed the last hill to Hilo while taking care of the fish in the container. If he didn’t bring back a live fish the chief would kill him and if he didn’t run fast enough the ghost would kill him. He ran out of breath when he ran near his sister. The sister saw her brother’s problem and lifted up her skirt to ward off the ghost. And of course! The ghost was afraid and the runner continued to give the Moi fish to the chief. Yet another day the runner prepared to go to Kona and get the Moi for the chief. If the ghost came back he was ready. When the messenger returned, he saw the ghost. He ran to the cliffside and saw how difficult it was for the ghost to follow him. He quickened his pace and turned near the side of a rock. As the ghost turned around the rock, he was shocked to see the sister lifting up her skirt. He jumped back, his leg unstable on a rock, and fell into Milu where the ghost lives. The End. |
Lili‘U ē Mai loko mai ‘o Hawaiian Music and Musicians, na George Kanahele E Lili‘u ē noho nani mai, |
Lili‘U ē From Hawaiian Music and Musicians, by George Kanahele O Lili‘u sitting so beautiful, |
Projects >> Ku'ula Homepage >> Kumulipo Introduction >> Pule Ho‘ola‘a Ali‘i: Wā ‘Akahi (First Age) | Wā ‘Elua (Second Age)
| Edith Kanaka‘ole Foundation ©2002-2003. |