 |
|
|
|
|
| |||||||
 |
|
 |
 |
| ||||||||
 |
| |||||||||||
 |
|
|
|
| ||||||||
Projects >> Kū‘ula Homepage >> Kumulipo Introduction >> Pule Ho‘ola‘a Ali‘i: Wā ‘Akahi (First Age) | Wā ‘Elua (Second Age)
|
Wā ‘Elua ‘Ehu Hānau ka ‘Ehu, hānau ka Nehu i ke kai lā holo |
Second Epic ‘Ehu The ‘Ehu gives birth, the Nehu gives birth in the sea swimming |
No ka ‘ehu maka‘u i ka pō‘ele‘ele Na Keonaona Kapuni-Reynolds Ma ka moana Pākīpika e holo ana ka ‘ehu ma ke kai. ‘O ka ma‘amau, komo nā ‘ehu i loko o nā ana e loa‘a i ka mea‘ai. Eia na‘e o kekahi o nā ‘ehu, ‘o Ka‘ehu kona inoa, ‘a‘ole ‘o ia i makemake e komo i loko o ka pō‘ele‘ele no laila, ua ho‘oholo ‘o ia e holo a puni o ka honua kai e huli i kekahi mea i hiki ke kōkua iā ia. Holo aku ‘o ia i nā kāheka a ‘ōlelo aku me ka pipipi. “E ka pipipi, pehea kou noho ‘ana i loko o kēlā pūpū ‘ele‘ele? ‘A‘ohe ou maka‘u i ka pō‘ele‘ele o ia pūpū?” Pane aku ka pipipi me kēia, “‘A‘ohe o‘u maka‘u. He pale kēia pūpū i nā nalu o ke kai. ‘O kēia ko‘u home a ke nānā aku wau i loko o ko‘u pūpū, hiki ia‘u ke ‘ike i nā hōkū li‘ili‘i e pā ana i ko lākou mā‘ama‘ama ma luna o‘u.” No‘ono‘o ‘o Ka‘ehu e komo i loko o ka pūpū pipipi, eia na‘e ma muli o kona maka‘u i ka pō‘ele‘ele ua holo ‘o ia i kahi ‘ē. Holo aku ‘o ia a ‘ike i kekahi puhi e holo ana i ‘ō a i ‘ane‘i a ‘ike ‘o ia i ka puhi e komo ana i loko o kona puka i ‘uhi ‘ia me nā ‘āpana pūpū like ‘ole. Ānehe aku ‘o ia i ka puka a ‘ōlelo hāwanawana aku i ka puhi o ia puka, “E ka puhi lā ē! Maka‘u au i ka pō‘ele‘ele. ‘A‘ohe ou maka‘u i ka pō‘ele‘ele o kou puka?” Pane aku ka puhi, “‘A‘ohe o‘u maka‘u. He maika‘i paha inā komo pū ‘oe i ko‘u puka a ‘ike i ka pō‘ele‘ele o ko‘u waha!” a me kēlā ua lele ka puhi mai loko aku o kona puka a alualu aku iā Ka‘ehu ma nā wahi a pau o ka moana. Holo a holo ‘o Ka‘ehu mai ka puhi mai a ‘ike aku ‘o ia i kekahi ana pō‘ele‘ele a maka‘u ke nānā aku, a e komo wale i loko no ka mea ‘a‘ohe ‘olu‘olu o ke alualu ‘ia e kekahi puhi. No laila ma loko o kona maka‘u, ua komo ‘o ia i loko o ke ana a pe‘e mai ka puhi mai. I ke ka‘alo ‘ana o ka puhi iā Ka‘ehu, ‘a‘ole ‘o ia i ‘ike iki iā Ka‘ehu a ‘a‘ole ‘o ia i no‘ono‘o no ko Ka‘ehu komo ‘ana i ke ana pō‘ele‘ele no laila ua ho‘i ‘o ia i kona puka. Mai ia mua aku ‘a‘ole ‘o Ka‘ehu i maka‘u i ka pō‘ele‘ele, ua maka‘u wale ‘o ia i ka puhi i makemake e ‘ai aku iā ia. |
The ‘Ehu That Was Afraid of the Dark By Keonaona Kapuni-Reynolds There was once an ‘Ehu who was swimming in the Pacific Ocean. Usually the ‘Ehu, enter caves where they find food. However Ka‘ehu, the ‘Ehu didn’t want to enter the dark cave, so he decided to swim all over the sea world to find somebody that could help him with his fear of dark places. He swam to all the tidepools and talked with Pipipi, “Eh Pipipi! How do you live in that dark shell of yours? Aren’t you afraid of the dark inside of that shell?” Pipipi answered, “I am not afraid. This shell of mine keeps me safe from the waves of the sea. This is my home and when I look inside of my home I see tiny stars that are shinning upon me.” Ka‘ehu ponders for a while if he should enter the shell but he ran away because he was still afraid of the dark. He swam around until he met a Puhi swimming around and he saw the Puhi enter his home surrounded by shell fragments. He slowly crept up to Puhi’s home and whispered, “Eh Puhi! I am afraid of the dark. Are you not afraid of the darkness in your home?” Then Puhi replied, “I am not afraid. It would probably be a good idea if you were to come inside the darkness of my mouth!” And with this the Puhi leaped out of his hole and chased Ka‘ehu all over the ocean. Ka‘ehu swam and swam from the Puhi until he reached his own dark scary cave and swam towards it, because it is no fun to be chased by an eel. He swam in his dark cave and hid from the Puhi. When the Puhi passed Ka‘ehu, he didn’t see Ka‘ehu and he didn’t think that scaredy cat Ka‘ehu would go into the dark cave so he went back to his home. From then on, Ka‘ehu wasn’t afraid of the dark, he was just afraid of the Puhi that wanted to eat him. |
Kekahi ‘ike hou a‘e Inoa Hawai‘i: ‘Ehu, ‘Ula‘ula Inoa Pelekānia: Red Snapper Inoa ‘Epekema: Etelis carbunculus Kona ‘ano: Ma kahi o ho‘okahi kapua‘i kona lō‘ihi. He i‘a ‘ula‘ula ia i noho ma kahi hohonu loa o ke kai. ‘Ikepili Hoihoi: Lawai‘a ‘ia kēia i‘a ma kahi i ‘oi aku kona hohonu i kahi noho o ka ono a me ka ulua kahala. |
More information Hawaiian Name: ‘Ehu, ‘Ula‘ula English Name: Red Snapper Scientific Name: Etelis carbunculus Description: This fish is about a foot long. It is a reddish fish that lives in the deep sea. Interesting fact: This fish is caught deeper than where you can catch an Ono or an Ulua Kahala. |
Projects >> Ku'ula Homepage >> Kumulipo Introduction >> Pule Ho‘ola‘a Ali‘i: Wā ‘Akahi (First Age) | Wā ‘Elua (Second Age)
| Edith Kanaka‘ole Foundation ©2002-2003. |